January 30, 2021

尋日仲有啲擔心人體既 core 位會唔會好難搵竅門，因為我畫 pelvis 嗰到搵到既竅門同腰位好似好難連接到任何關係。。。但今日幫文西係腰部鋪咗啲 clay 嘅時侯，發覺原來都唔係好難解，已經開始有頭緒。咁我諗二月中之前都應該可以明白點畫啦。不過今日都已經1月尾喇。。。本來諗住 2 月前做完呢部同搞掂埋兩份 rotation。。。。不過算啦。。。至少而家都發覺腰嗰度可能無我想像咁難，咁複雜。希望 2 月中前搞掂晒所有嘢。跟住要複習返個故仔點畫。